January 18, 2024
Bayden Barber | Kia tapatahi ngā iwi ki Tūrangawaewae
Kei a Ngāi Māori kē ngā roro koi, ā, he ihuoneone tātou e āhei ana te tutuki ngā wawatā kia eke ki angitū.
Koia te kōrero a te heamana o Ngāti Kahungungu a Bayden Barber, nō mua mai i te hui ā-motu ki Tūrangawaewae hei te Hātarei.
Ka whakarauika ngā iwi kia wetewete whakaaro, kia āta wānangahia ki tā te iwi Māori whakautu ki te kāwanatanga me tō rātou hiahia ki te raweke i ngā mātāpono o Te Tiriti o Waitangi me te ture reo Māori anō hoki.
Hei tā Barber kua tae ki te wā kia hoe tahi ai te iwi Māori i te waka kotahi hei orangatonutanga, ā haere ake nei.
‘Ehara i te mea me waiho mā te kāwanatanga a tātou tini kaupapa e kōkiri, kāo. Kei a tātou te mana, kei a tātou ngā pūkenga, kei a tātou ngā rawa kia eke ai tātou ki tōna taumata- nō reira, he pai tēnei wā kia whai kaha anō a Ngāi Māori.’