January 18, 2024
He whakatūpatotanga mō te hunga haere ki tātahi
Me whakaute tātou e haere tātahi ana i ngā Manapou Moana.
Koia te kōrero a te kaiwhakahaere matua o te hunga tiaki kaikauhoe ki te Tairāwhiti a Chaz Gibbons-Campbell, nā tētehi raru i puta ki tātahi, i Mauao, ki Tauranga Moana i tēnei wiki.
Hei tā Gibbons-Campbell tonu, kia mahara tātou ko te nuinga o ngā kaimahi nei, he kaimahi tuao, ā, kei reira rātou e mahi utu kore ana, kia haumaru tō haere ki te kaukau.
E ai ki te pānui pāpāhō, i karanga atu te tāne ki ngā Manapou Moana te awhina atu i tētehi wahine i te wai. I te haerenga atu o tētehi o ngā kaimahi i rere ko ngā kupu kanga, nā wai anō, i mau ia i te tinana o tētehi atu kaimahi i ngana te awhi i tōnā hoa mahi, te whakatau i te tāne.
Hei tā Gibbons Campbell anō, kāore rātou o te Manapou Moana e whakaae kia tūkinohia ō rātou kaimahi, ā, kua kōrero atu rātou ki te hunga pirihimana mō te raru nei.
Ka mutu, ko te mea nui, ina e raru ana koe ki te wai me tū tō ringa e mōhio ai ngā Manapou Moana me āwhina atu rātou i a koe.