February 02, 2024
Tama Potaka | Kia tūturu ngā kōrero ki Waitangi
E hiahia ana kia kounga ake ngā kōrero ka whakatakotoria ki Waitangi.
Koia ko tā te Minita Whanake Māori a Tama Potaka i mua i te ekenga tuatahi atu a Christopher Luxon ki te rangi nui whakaharahara nei hei pīrimia o Aotearoa.
Hei tā te Minita, he wānanga nui ko te haere kia āta whakamahere i te anamata o te motu, nā, ki te tūturu ngā kōrero, ki te pono hoki ka rere noa ngā mahi.
‘Katahi te whakakanohi atu ki reira. Ka rua ki te whakarongo, ki te titiro, ki te wānanga hoki ngā take nuinui o te wā, roaroa o te wā. Kia kaua e riro mā te kōrero paku noa, hanga noa, poka noa tō tātou kaupapa o Waitangi e kawe. Ēngari kia whakarongo, kia titiro, ā, tārea te wā ki kōrero hoki, ka riro anō mā tō mātou kaiwhakahaere arā ko te pīrimia o Aotearoa ko Kiritopa Luxon tērā kaupapa e arahi.’