January 31, 2024
Huhana Lyndon | He mihi ki a James Shaw
He toa taiao, he tāngata ngākau Māori.
Koirā ngā kupu o te mema o Ngā Kākāriki a Huhana Lyndon mō te kaiarahi takirua o te pāti a James Shaw me te tuku o tana tono rihaina i tana tūranga i te Tūrei.
He tekau tau ku mahi a Shaw ki rō pāremata mō Ngā Kākāriki, ā, ka whakaingoatia e te pāti tō rātou kairahi takirua hōu a te 10 o Maehe.
Hei tā Lyndon me mihi ka tika a Shaw me tana whakapau kaha ki te miramira i ngā take āhuarangi me te hōhonutanga o taua kaupapa.
‘Tēnei rangatira o te rōpū Kākāriki, tētahi toa mō ngā take āhuarangi me te taiao ka mihi ki a ia. Tōnā ū ki ngā mātāpono o Te Tiriti o Waitangi, tōnā kaha ki te whakarongo ki roto i ngā huihuinga. Kua kite ahau ko tērā tōna momo, ā, me tōna pīkaunui i ēnei o ngā āwangawanga o te hapori whānui i Aotearoa nei e pā ana ki te taiao me kī ngā take āhuarangi.’