August 17, 2023
Kua pā te 80 % i te tūkino ā-kāwanatanga: Rangahau
E waru tekau ōrau ngā tāngata i whai wāhi atu ki tētehi uiui i kī mai kua pēhia rātou e te mahi tūkino a te kāwanatanga me ana ratonga. Koia nei tētehi kitenga o te rangahau e kīia nei ko He Waka Eke Noa, nā te rōpū Tu Tama Wahine o Taranaki i kōkiri.
E ai ki te māngai o te kaupapa a Shirley Simmonds, i tonoa ngā tāngata kotahi rau e waru tekau kia kōrerotia ō rātou wheako ki ngā tari kāwanatanga. Ko ngā ratonga e raru nui nei rātou ko te kāhui pirihimana, te ratonga hauora, te pūnaha whai mātauranga me te pūnaha matatika.
“Ko te kāwana tētahi mea, ko te pūnaha kaikiri hoki, me ētehi o ngā ratonga: ratonga hauora, aua momo ratonga. Mōhio tātou kua tū ēnei ratonga me ngā pūnaha katoa i te whakaaro a te Pākehā, a te kaitāmitanga. Nō reira he mea kaikiri.”