Listen Now: 
Kua tae moata mai te hōtoke ki Poneke ahakoa te raumati.
Inanahi rā i tatu mai te hau Tonga ki te rohe ō Te Upoko ō Te Ika, i taka te pā māhana mai i te rua tekau takiri ki te tekau mā rua takiri noa iho.
Haunga rā te makariri i taka mai te ua me te ua whatu, i haruru mai hoki te whatitiri, ā, i hikohiko mai rā te uira, heoi anō kare i te mōhiotia mēnā rā i pakinotia ētahi aha i te tatutanga mai ō taua huarere.
Kati, mō tēnei rā e whakaarohia ana kare te pamahana e eke ake ki tua i te rua tekau mā toru takiri puta noa i te motu, engari e tūmanakohia ana hei ngā rangi okioki ka hoki mai anō te mahana.
