January 31, 2024
Hone Harawira | Kātahi rā te mahi hē a te kāwanatanga
Mā te tū ngātahi o ngā tāngata katoa ka kite te kāwanatanga e kore mātou e tūohu ki a rātou.
Koia tā te kī a te mema o Te Rōpū Tupeka Kore a Hone Harawira mō te hiahia a te kāwanatanga kia whakakorea te ture e whakaauahikore ai te motu ā te tau 2025.
Hei tā Harawira, inā te hē o te kāwantanga me tā rātou kore whai wāhi kōrero atu ki ngā iwi Māori mō te kaupapa nei, nā, he wāwāhinga tērā ki ngā ture o Te Tiriti o Waitangi.
‘Kia kōrero atu ki ō mātou iwi, ō mātou hoa Pākeha, ki ngā tākuta, ki ngā nēhi, ki ngā kaiwhiriwhiri whakaaro o ēnā tāngata katoa, kia tū kotahi i mua i te aroaro o te kāwanatanga kia mōhio ai [rātou], hakoa tō rātou hiahia kia whakakorengia te ture nei kia whai tāke, kei konei mātou hei mea atu; ko hē, ko hē, ko hē.’