January 25, 2024
Paul Ratapu | He māuiuitanga ki te moana
Peange he māuiuitanga ki te moana e whakararu ana i te hauora o ngā tohorā, ngā aihe me ngā paraoa ki Te Tai Rāwhiti.
Koia te kōrero a te heamana o te tarahiti o Rongomaiwahine, koia ko Paul Ratapu me ngā whakaaro a rātou ko Te Papa Atawhai ki ēnei matenga nui ku pāngia ki aua ika tonu.
Nō ngā rangi tata nei i mate atu te 45 o ngā aihe ki pae o tō rātou takutai, ā, hei tā Ratapu, i te tironga atu ki ngā puku o ngā tohorā i mate i tērā tau, tē taea te kite i te kai. He mea ohorere tērā.
‘Ko tētehi mahi hoki ka motuhia te puku o te sperm whale ka kimi ki roto rā he aha ngā kai kua kaingia e te tohora otirā kāore kau he kai i roto i te puku. He mea āwangawanga tērā ki a mātou ko Te Papa Atawhai. He aha te take kāhore he kai i roto i te puku o tēnei tohorā? Ōrite hoki ki ngā pygmy sperm whales. Ki a mātou, he māuiuitanga pea. He mea rerekē e haere ana i roto i te moana.’