Kia rēhita tātou ki te Wā Tuku Reo Māori!

Waatea Team Rawinia Higgins

Download Audio

Kei te whakatata mai te Wiki o te Reo Māori ki a tātou, ā, e ākina ana e te Toihau o Te Taura Whiri i te Reo Māori kia kaha tatou te rēhita ki te Wā Tuku Reo Māori e tū ai a te poupoutanga o te rā ā te Taite 14 o Hepetema.

Hei tā Rawinia Higgins, ko te wawata kia whai wāhi atu he kotahi miriona tangata ki te tautoko i te rā i te wā kotahi , mā te waiata, mā te kōrero, mā te pānui i te reo Māori, mā te aha rānei e whakamahia te reo Māori huri noa i te motu.

“Kei te tono atu ki te motu tonu ki te whakatairanga, ki te whakamahi i te reo hei te 14 o Mahuru kia kite pēnā ka ū tonu tā tātou miriona tāngata e ngākaunui ana ki te reo Māori. Nō reira, e karanga ana ki a koutou o te motu kia rēhita mai ka aha koutou, ka aha tātou i roto i taua wā tuku reo Māori kia kite mai te mai ngā kāwanatanga kei te ū tonu te motu ki te whakatairanga i tō tātou reo.”

Mō te roanga ake, tirohia te pae tukutuku reomaori.co.nz

RELATED NEWS

Kua aruaru te ratonga hiko Kua hinga tetahi o nga kuia o Whanganui Ka kōrero i ngā kōrero hāngai ō te wā