December 20, 2023
67 ōrau o ngā tamariki maru karauna he Māori: Rīpoata hou
O ngā tamariki katoa e tiakina ana e Oranga Tamariki i tēnei wā, e 67 ōrau he Māori. Koia nei tētehi o ngā kitenga i tana rīpoata Tiriti o Waitangi kātahi ano ka puta.
E ai ki te Tumu Whakarae o Oranga Tamariki, a Chappie Te Kani, kei te haere tonu te whakapakari a tāna mahi hei hāpai i ngā tamariki me ā rātou whānau, ā, ko tētehi o ngā hua ko te heke haere o te tokomaha o ngā tamariki e tauwehe ana i ā rātou whānau.
Hei tauira, i te tau 2018, ko te nui o ngā ōta tauwehe tamaiti ko te 1,469, ā, e 70 ōrau o aua ōta e pā ana ki ngā tamariki Māori.
I te tau ki te Hune 2023, ko te nui o ngā ōta tauwehe tamaiti ko te 498, ā, e 62 ōrau o aua ōta e pā ana ki te tamariki Māori.
E ai ki te rīpoata, nā te mahitahi ki ngā iwi me ngā rōpū ā-hapori me ngā whanake o ngā hātepe ki roto o Oranga Tamariki ētehi o ngā take te nui o ngā ōta i heke ai.