Listen Now: 
E mea ana te mema ō te Uri Roroi, mai i te Tarahiti Whenua Rāhui Māori ō Whatitiri e awangawanga ana ia mo te ahua ō te tatau wai whai muri i te putanga mai ō tētahi whakatau mo te puna ora ō Porotī
Horekau te Kaunihera ā Rohe ō Te Tai Tokerau i whakaae ki te tono ā tētahi kamupene ō Tāmaki Makaurau, kia tangohia mai he wai, mai Poroti, mō ngā kaupapa pakihi te take.
I mea rā te Kaikomihana, e kore e oti i ā Zodiac Holdings te rapu he huarahi kia ngote haere i te wai ō Porotī.
Hei tā Taipari Munro ō te Tarahiti Whenua Rahui ō Whatitiri, koiā tēnei ko te wā tuatahi, kua huri pēnei mai te aro ā te Kaunihera, engari, ehara i te mea he angā whakamua tēnei whakatau mō Poroti
Hei tā Milan Ruka, he kaiaromatawai awa mo Whangarei, e hiahia ana kia whakamōhio mai te Kaunihera ā Rohe he aha ngā huarahi pai hei aromatawai i te oranga ō ngā puna.
Hei tā Taipari Munro, nā te kino ō te whakahaeretanga nei ā ngā awa i te Kaunihera, e tautoko ana ia i te tono ā Ruka.
Hei āpōpō, ka hui te Tarahiti ō Whatitiri me te Kamupene ō Zodiac Holdings i runga anō i te karanga ā te Kaunihera ā Rohe ō Te Tai Tokerau nei.
RELATED NEWS
