Listen Now: 
Kua rāhuitia te awa o Mohaka i Te Matau-ā-Māui nā te toremi o tētahi tangata ki reira i te Hātarei kua hori nei.
E ai ki a te kāhui Pirihimana, i te hoe te tangata mā runga mōkihi, ā, nā te whakataupoki a te mōkihi ia i toremi ai. E 30 noa iho ōna tau.
Hei tā te heamana o te Tarahiti o Hineuru iwi, hei tā Mana Hazel, he whanaunga nō te iwi te pārurenga, ā, nā rātou o Ngāti Hineuru te karakia i taki ki te awa i te Tūrei.
Hei tā Hazel anō, ka kotahi wiki te roa o te rāhui, tae ana ki te ata o te Hātarei e tū mai nei, ā, kua rāhuitia te wahi o Mohaka atu i Ngā Wairere o Glen tae atu ki te Piriti o Te Kōti.
Kua tukuna te tinana o te tangata ki te kaitirotiro tūpāpaku kia mātaihia te aituā e ia.
RELATED NEWS
