December 04, 2023
Williow-Jean Prime | Waiho Te Tiriti o Waitangi
E karanga ana a Reipa he nanakia ngā mahi a Nānihara, ACT, me Aotearoa Tuatahi ki te āta hōmiromiro i ngā mātāpono o Te Tiriti.
Koia ngā whakaaro o te mema pāremata a Reipa a Williow-Jean Prime, hei tāna me waiho rātou i te kawenata o te motu, i te mea he takahi nui tā te kāwanatanga hōu te haere ake nei.
Hei tāna anō me waiho Te Tiriti kia rere tonu ai tōna mana i tēnei whenua, pērā i ngā hiahia o ngā whakatupuranga nā rātou Te Tiriti i waimoko.
E ai ki a Prime, “he nanakia tērā mahi e hoki ana ahau ki ngā kōrero o tōku tupuna “takahia te riri kei raro i ō koutou waewae waiho Te Tiriti o Waitangi kia taka te namu i whārangi o te pukapuka,” nō reira me ū ki ngā kōrero o ngā tūpuna e pā ana ki Te Tiriti o Waitangi me Te Whakaputanga he kawenata tapu wērā nō reira he nanakia wā rātou mahi ki te whakarerekē i tērā.”