November 30, 2023
Moko Tepaina – He mīharo kia kite e nui ake ana ngā Māori i te kaunihera
E mīharo katoa ana te koromatua o Te Kaunihera o Tai Tokerau ki te Raki kua whai wāhi atu ētahi atu Māori ki te kaunihera.
Koia ngā whakaaro a Moko Tepania e hoki mahara ana ki ngā piki me ngā heke o tana tau tuatahi hei koromatua i takiwā o Te Hiku o te Ika.
Hei tāna, ko te whakamana i ngā kaikaunihera pēnei i a Hilda Halkyard-Harawira tētahi o ngā painga o te tau nei.
E ai ki a Tepania, “ehara i te mea ko au nahe te uri Māori noho ki te tēpu i mua kē atu hei kaikaunihera engari i tēnei wā nei kua tutu mai ai ko te wāri o Ngā Tai o Tokeau me ngā mema Māori kua pōtihia e te Māori hei ārahi hei tautoko i ngā kaupapa Māori me ngā kaupapa mō te iwi whānui o Te Hiku o Te Ika engari tika tonu rā koia tērā tētahi o ngā tino rerekētanga i tēnei wā nei kua rerekē i tērā i te wā i tū au hei kaikaunihera me te pai mārika o ērā āhutanga katoa.”