September 18, 2023
He ringa ahuwhenua, he hanga mahi, he oranga taiao.
E ruiruia ana e te Tarahiti Ngāhere o Ngāti Hine i Te Tai Tokerau, ki te whakatupu, ki te whakatō anō i ngā rākau taketake a Tāne Mahuta hei oranga taiao.
Koia te kōrero a te kaitarahiti o te ngahere a Ernest Morton, kaikōrero hoki mō te kaupapa He Ringa Ahuwhenua, he Hanga Mahi, e whai oranga ngākau i ā rātou mahi whakatō rākau hei whakaora i tō rātou taiao o Ngāti Hine.
“I whāriki mai ai tō tātou whenua i roto i te rākau Māori pēnei i te taha o ngā repo kia mā haere hoki te wai kia whai hua ki roto i ngā wai i ngā awa mō ngā tuna mō ngā pūkeko mō ngā matuku wērā momo mea. Tō tātou hiahia kia tupu ake ngā rākau Māori i waenganui i ngā repo i runga puke, pēnei ana i ngā wāhi tapu nei kia kite i ngā rākau Māori e tupu ana ki reira.”