November 02, 2023
Me mātāmua te mahitahi hai pāinga mō te taiao
Me mātāmua te mahitahi hai pāinga mō te taiao mō a tātou tamariki mokopuna anō hoki.
Koia te āki nā ‘Papa Pounamu’ te tāwharautanga i whakatūhia e ngā kaitiaki taiao Māori nō ngā whaitua katoa o te motu.
Nōnā pō tuku tono ai rātou ki te kōmiti taiao i te kāwanatanga me tā rātou kōingo kia mahitahi ki nga kamupene whakaora taiao.
Hai tā te māngai o mua i ‘Papa Pounamu’ hai tā Jade Wikaira, he nui te mātauranga kei ngā mātanga taiao mō te orangatonutanga o te taiao te take.
” Kua kite tātou i ngā tai nui i Te Tairāwhiti me te Taitokerau kei te mamae ētahi o ngā whānau i reira, nō reira kei konei mātou e pīrangi ki te mahitahi ki te hanga ki te whakarite tēnei ara hou mā tātou katoa, engari me mōhio ka tika i te tirohanga māori me te pūkenga o ētahi o ngā whakaaro o te whānau puta noa i te motu e taea ai te awhi te akiaki nei i tēnei kaupapa”