November 17, 2022
Ko te ngākau aroha te takoha a Tā Wira
Me mihi ka tika ki te tangata, ahakoa ko wai, ahakoa tō waiaro ki a ia, tana waiaro rānei ki a koe. Koia te kōrero i mahue i a Tā Wira Gardiner ki tana irāmutu a Ngarimu Parata, me tā Pārata kōrero ki te Reo Irirangi o Waatea whai muri mai i te karakia mō Tā Wira i tū ki Hato Paora i Pōneke inanahi.
Nā tana matenga i te Maehe, i te wā e kaha rere tonu ana te kowheori i te motu, i tōwai ai tana poroporakī tūmatanui ki tēnei marama.
I muia a Hato Paora e te tangata tuku mihi atu ki te rangatira, te hōia, te kaimahi kāwanatanga hoki.
Hei tā Parata, ko te kōrero i toāitia i te karakia ko tērā o te ngākau aroha o Tā Wira.