November 20, 2012
He kaupapa whawhai mō te oranga
E whitu ngā whawhai kua whakaritea mō tēnei Paraire i roto i te kaupapa whawhai mō te oranga.
Atu i te mekemeke, he kaupapa nui kei muri i ngā whawhai.
Ko te tino tikanga ia, he kohi pūtea mō te rōpū ō Life Education Trust.
Mā rātou ngā tamariki e āwhina ki te whai mātauranga.
Ko te whawhai mātua i waenganui i ā Greg Lexmond rāua ko Steve Punga Smith.
He pirihimana ā Lexmond.
He kaitā ki Toihoukura ā Smith, he kaitākaro whutupōro hoki.
Nā runga i tērā, kāhore e kore ka pakaru te korokoro ō ngā kaimātakitaki ki tēnei whawhai.
Atu i tēra whawhai, ka mekemeke ā Gary Mckenzie ki ā Jimmy Lawrence, ā Kay Symes ki ā Dedrie Hemingway, ā Calum Wilson ki ā David Springgay, ā Di Akurangi ki ā Trudz Haukamau, ā Adam Simperingham ki ā Brent Mitchell, ā Leon Kahn ki ā Darryn White.
E ai ki te kaiwhakahaere, e hia kē ngā mārama ngā kaimekemeke e whakangungu ana, nō reira, kua rite anō wēnei ika ā whiro ki te ū atu ki te pae ō te riri