November 02, 2023
He Hoa Mauroa, He Tānga Mataora
Nō te wiki taha ake nei whakanui ai ngā tohu kaituhi a Pikihuia ki tētahi pō tuku taonga i te Whanganui a Tara, ā, mō te wā tuatahi i tū hoki he tohu mō ngā kaituhi ruri reo Māori.
Nā te uri o Te Arawa, Te Tairawhiti me te Wairarapa, a Aperahama Hurihanganui te tohu i whiwhi, me tōna ruri “Hei Hoa Mauroa”, e kōrero nei mō te ihiihi me te wehiwehi i rāngona e ia i te tānga o tōnā pāpā ki te Mataora.
“…ā, ka mea i te moko i te mataora ki runga i te kanohi o tōku pāpā. Nōku e noho ana ki te taha o tōku pāpā, ka rongo au i tētahi wairua ataahua, i tētahi wairua pai. Ka hīhiri te ngākau, ka kipakipa te wairua, ka rongo pai i te ihi i te wehi i te wana i tērā o ngā whēako nāreira ka tau te whakaaro ki roto i au, āna, me whakakupu au i tēnei whēako i tēnei āhutanga ataahua.”
Tēnā whakarongo ki te ruri me te uiui katoa ki konei.