October 30, 2023
Kua takahi te Kaunihera o Tāmaki Mākaurau i te Tiriti o Waitangi
Nā te korenga o ngā wāri Māori ki te kaunihera o Tāmaki Makarau, kua whakatakahia e rātou te mana o Te Tiriti o Waitangi.
Koia te kōrero a te mema o te poari ā-rohe o Manurewa, a Rangi McLean mō te whakatau a te kaunihera kia kaua e whakatū wāri Māori ki a rātou reanga.
He 11 ngā pōti whakahē, ki ngā 9 pōti i whakaae. Kihai hoki te koromatua a Wayne Brown i tuku pōti.
Hei tā McLean nā te mea he nui atu te Māori ki Tāmaki Makaurau i ngā taone puta noa i te motu, e tika ana kia whakatūhia ngā wāri nei ki reira.
“Tētahi o ngā mea kei te warewaretia e ngā mea whakahē, te nuinga o te Māori kei Tāmaki Makaurau e noho ana, te nuinga o te Māori! Nā reira kāore rātou te tino aro ake ki ngā mātāpono o te Tiriti o Waitangi, i hainahia ki waenga i te karauna me te Māori”