Listen Now: 
October 31, 2023
Ko te Pire Tahae ā-Turaki (Ram Raids Bill) he ara mā ngā tamariki ki te whare herehere
Waatea Team
Posted On October 31, 2023
Mā te Pire Tāhae ā-Turaki e para ai he huarahi mā ngā taitamariki ki te punaha ture, ka mutu ki te whare herehere.
Koia te kōrero a te kaikomihana tamariki matua a Frances Eivers ki tō mātou hōtaka a Pākiwaha i te kapinga o ngā tapaetanga ki te pire hōu rā i tērā wiki.
Hei tā te pire, ka tū ngā mahi tāhae ā-turaki hei hara motuhake, ā, ka kino kē atu te hāmene, mena ka rikoatahia ngā mahi e te tangata.
Heoi ko te mate nui ki ta Tiati Frances Eivers, ko te tupuranga o ngā tamariki, me te mea nei ko te nuinga o ngā hunga tamariki e mahi hara ana, ko ngā hunga e puta mai ana i ngā whānau o te pohara me te rawakore. Ka mutu, kāore i ēnā whānau ngā rauemi e mātāmua ai ngā whainga o a rātou tamariki.
I kī tonu a Tiati Eivers, pēnei i te rōpū whakahaumaru ā-papori, arā, te Social Wellbeing Agency, he nui ake ngā ara pai atu i te whakatū i te pire nei.
