May 14, 2013
He moumou pūtea
Hāunga anō te heke ō te nama ō ngā moni e whakapauhia ana ki ngā mīhini petipeti i Rotorua, neke atu i te rima tekau mā ono mano tāra ia rā kei te whakapauhia ki ngā mīhini nei.
Koinei ngā tatauranga i puta mai te Tari Taiwhenua.
I tātaihia e te tari taiwhenua, rua tekau ira ono miriona tāra ngā moni ki ngā mihini petipeti i te tau kua pahure, ā, rima tekau mā ono mano, whā rau tāra i ā rā i whakapaua ki ngā mihini petipeti nei.
Heoi hei tā Dick Hyland, rangatira ō te Karapu Rotorua Citizens, ko te āta tirotiro i ngā raruraru ō ngā mīhini petipeti ki te hāpori te mea tuatahi mō āna kaimahi.
Hei tā Hyland, ki te kuhu te tangata ki te karapū, kāre e kitea ngā mīhini petipeti, kei te hunga, otirā, ka āta tirohia te hunga e karawhiu ana i ngā mihini petipeti nei, ā, ki te noho rātou ki ngā mīhini mō te roanga ō te wā, ka āwhinahia e ngā kaimahi, kia āta hāere, ā, kia makere hoki rātou mai ngā mīhini petipeti.
Ko te tūmanako kia waia ngā tāngata te ata hāere ki ngā mīhini petipeti, te whakahau ā Hyland.
Copyright © 2013, Uma Broadcasting Ltd