Tamaiti akona ki te kāinga, tūngia ki te ao, tau ana

Waatea Team Justin Tipa

Download Audio

Ko tētehi o ngā tino hua o ngā tau e 25 nō te mokotanga o te kokoraho a Ngāi Tahu ko te puāwaitanga o tētehi whakatipuranga e tū māia ana i roto i tō rātou Kāi Tahutanga. Koia nei te whakapono o Justin Tipa, mema o Te Rūnanga o Kāi Tahu, whai muri i te rā whakanui i te whakataunga kerēme i tū i te tau 1998.

Hei tāna, “Ki a au nei, ko tētehi o ngā tino hua, kua tipu mai he reanga Kāi Tahu me te reo Māori e makere mai ana i ngā ngutu, mōhio ki ngā tikanga, mōhio ki ngā pūrākau, ki ngā whakapapa anō hoki. Nō reira, ko rātou te whakatinanatanga o te kōrero ‘Tamaiti akona ki te kāinga tūngia ki te ao tau ana.’ Mōku ake, koia pea te hua tino nui. Engari, atu i tērā, tētahi o ngā tino hua ko te tautoko kua whakawhiwhia ki te papatupu rūnanga e taea ai e rātou te whanake whakamua.”

RELATED NEWS

He pakanga whutupaoro kei te haere He wawata mō te Tahua Pūtea E rima paua anake ināeanei: Bayden Barber