April 15, 2020
Noho ana a Mātua, tū ana a Pouako
Kia māmā te haere, koiā te kī a te Perehitini o Te Riu Roa a Liam Rutherford ki ngā mātua huri noa i te motu.
I tōnā tikanga, koinei te wiki e hoki atu ai a tātou tamariki ki te kura, hēoi anō, i te aranga mai a te Mate Karauna me ngā ture noho taratahi, kua utaina te haepapa nui a te Pouako ki runga i ngā Mātua.
E ai ki a Liam Rutherford o Te Riu Roa, he mahi nui te mahi a te Pouako, nō reira, tāna akiaki i ngā mātua puta noa i Aotearoa, kia kaha, kia māia, kia manawanui i tēnei wā uaua rawa atu, ka mutu, arohaina tonutia a koutou tamariki.
Copyright © 2020, UMA Broadcasting Ltd: www.waateanews.com