Listen Now: 
Tātau Tātau o Te Wairoa
Kua tīmata te roopu Tātau Tātau o Te Wairoa ki te takahi i te huarahi ki te kohi i ngā whakaaro o ngā uri, me pēhea te whakapau i te kotahi miriona tāra e haere ana ki a rātou i tā rātou whakataunga tiriti. Kua tae te pire mo tā rātou whakataunga ki tōna pānuitanga tuarua i roto i te whare pāremata. Hei tā te Toihau o Tātou Tātou, a Leon Symes, kotahi rau hapu, whā tekau marae hei whakaarotanga mā rātou. Kei te hōtera IBIS ki Rotorua te hui i te rā nei, kei te IBIS Tainui ki Kirikiriroa āpōpō me te Hotera Jet Park i Tāmaki hei te ata o te rā tapu.
Rangahau o te whāngai tamariki
E harikoa ana te tumuaki o Te Wānanga o Raukawa, a Mereana Selby, i te pūtea nui a te Marsden Fund kia āta rangahaua ngā āhuatanga o te whāngai tamariki, arā, te adoption. Ka riro ma te Wānanga o Raukawa ki Ōtaki tēnei rangahau e whakahaere, ko tākuta Helen Potter te kaiārahi matua. Hei tā Selby, e hāngai pū ana tēnei rangahau ki te whainga matua a te wānanga, arā, kia puta he oranga i a rātou ki te iwi Māori.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
