Listen Now: 
Ko nga otinga matepukupuku o te Maori me te mutunga o te kai paipa etahi kaupapa nui ka whakatinanahia ki nga whakaritenga tohatoha puutea a te Kaunihera Rangahau Hauora.
Ka titiro hoki nga kairangahau me pehea e whakapakepake ai i te maha ake o nga waahine Maori kia whakamaatautau ai ratou mo te matepukupuku whare tangata.
E mea ana ratou tera pea ka taea te whakapai ake i nga tikanga tirotiro hai painga mo nga tuuroro Maori.
Kia uu ki te kaupapa
Ma aro tonu nga roopu papaaho ki nga kaupapa mo te kaingakore me te koopaka o nga whare, kaua ranei ratou e whakatiitahatia ki kaupapa kee pera i te aata turuturu o nga korero whaiaro ki a ratou.
Hai taa Maarama Fox rangatira takirua o te Paati Maori, me hoki ki te kaupapa kaingakore koia te mea nui ehara kee ko te turuturu korero.
Teina he kongakonga
Rere mai nga kongakonga a Naahinara.
Kei te tuukinotia a Teina Pora mo te taha ki te puutea te karanga a Andrew Little, rangatira o Reipa.
2.5 miriona taara mo nga tau 21 i te whareherehere. Hai taa Little ano, me timata ano te kaawana ki te whakarite i tetahi utu tika.
Haere motuhake
He mea nui kia haere tonu nga korero a muri i te taenga o te hiikoi maungaarongo ki Parihaka apopo.
Kei te hikoi te roopu tautoko i a koromatua Andrew Judd i te raa nei, atu i Oakura ki Okato.
Ka tae atu ki reira ka tuu tetahi hui a haapori ki te matapai i nga kaupapa mo nga tuuru Maori ki te Kaunihera me nga hononga a iwi.
Hai taa Judd, e pai ana ki a ia te whaanuitanga o nga korero kua rongohia i te haerenga huarahi.
Copyright © 2016, UMA Broadcasting Ltd: www.waateanews.com
RELATED NEWS
