Listen Now: 
Whakatiki hoko waipiro.
Akuanei pea ka herea nga kainoho o Taamaki Makaurau ki nga tikanga hou mo te hoko waipiro.
Ka tuu tetahi hui i te raa me te kii ka tohutohu te Kaunihera o Taamaki me awhi i te kaupapa hai whakahaere i nga waa, i nga waahi e tika ana kia hoko ai te waipiro.
Neke atu i te rua mano nga tono mo te take nei kua whiwhi.
Te tikanga kia whakawhaaiti nga haora hokohoko aa ka uaua ake ki te whai raihana mo te whakatuuranga o tetahi whare hou hai hoko waipiro.
Nga painga pakihi o te waa.
He nui nga huarahi whai hua kei mua i nga kaipakihi Maori.
E mea ana etahi kairangahau he kaha te piki whakarunga o te oohanga Maori i Aotearoa.
Koia hoki te korero i te hui o etahi kaipakihi Maori i te Rakipaewhenua i tenei rangi.
Kaati hai taa kaipakihi Ian Taylor o Ngati Kahungunu a tona waa pea ka tatuu nga pakihi Maori
ki taumata tiketike ko te hanga o etahi penei me Nike te ahua, te rahi.
Nga rohe kei te oke.
Kaahore te kaawanatanga e ahei ana ki te whakatupu i te oohanga ki nga rohe taiwhenua kei reira te maha o tatou e noho ana.
Koia te korero a Andrew Little rangatira o te roopu Reipa. Koia hoki te kitenga i te puurongo a te Salvation Army ki te ngoikoretanga o nga ratonga i nga rohe pera i a Tuuranga me te Taitokerau.
Hai taa Little ano e oke ana nga whaanau Maori na reira me whakarite mahere te kaawanatanga koni atu i te titiro ki a Taamaki me Poneke.
Nga tikanga hou mo te hoko whare.
E whakatuupatoria ana nga kainoho reeti whare o Taamaki Makaurau me whiitiki i a ratou mo te piki haere o te utu noho whare.
Koia tetahi paanga o te mahi a te Whare Whakatau Kaupapa Puutea araa kia whakapeehi i te hunga whakangao whenua, whakangao whare.
Te tikanga a te marama o Oketopa kia 30 paiheeneti te puutea whakatakoto hai hoko whare ki Taamaki Makaurau.
Nga taonga hokohoko.
E rua nga taonga pakoko ka hokona ki tetahi maakete hokohoko ki New York a te Paraire.
He mea whakairo nga taonga e hanga ana ki te raakau aa i kohia e te Paakeha i tera atu rau tau.
E matapae ana neke atu i te whaa tekau maano taara te waariu o ia taonga heoi ano ki etahi korero i mahia nga whakairo raa i roto i te tikanga tuku iho o Ngati Porou.
Nga painga pakihi o te waa.
He nui nga huarahi whai hua kei mua i nga kaipakihi Maori.
E mea ana etahi kairangahau he kaha te piki whakarunga o te oohanga Maori i Aotearoa.
Koia hoki te korero i te hui o etahi kaipakihi Maori i te Rakipaewhenua i tenei rangi.
Kaati hai taa kaipakihi Ian Taylor o Ngati Kahungunu a tona waa pea ka tatuu nga pakihi Maori ki taumata tiketike ko te hanga o etahi penei me Nike te ahua, te rahi.
Copyright © 2015, UMA Broadcasting Ltd: www.waateanews.com
RELATED NEWS
