May 25, 2017
Ngaa tohu ahuwhenua maori
Ngaa tohu ahuwhenua maori
Hei te po nei whakawhiwhia ai te Ipu Ahuwhenua ki te paamu Maori toa o te tau. Hei taa Sonny Tau, mangai mo te paamu o Omapere Rangihamama i Kaikohe, ko tetahi o nga hua nui kua puta ki a ratopu i taa ratou kuhutanga ki te whakataetae Ahuwhenua, kua arotakengia aa ratou whakahaere katoa kia pai ake, kia ngangahu ake. Ka tu te po whakawhiwhi ipu Ahuwhenua ki Whangaarei a te po nei.
Ko Bond hei mangai matua o Aotearoa Tuatahi
Kua tohua a Ria Bond o Ngati Hine hei kaiwhakataetae ma Aotearoa Tuatahi i te tuuru o Waihopai hei te kowhiringa pooti o te motu a te Mahuru. I uru ia ki te whare paaremata e rua tau ki muri nei, whai muri iho i te angitu o te kaiarahi i a Aotearoa Tuatahi, ara, o Winston Peters i te kowhiringa pooti motuhake mo te tuuru auraki o Te Raki.
He aha te hua mo nga whanau maori?
He pai te kite atu i te aronga nui o te Kawanatanga ki nga whanau i roto i tana tahua putea i tenei tau. Koira taa te Minita Whakawhanake Maori, taa Te Ururoa Flavell.
Te ra tuaiwa o Hune 2017
Kua tohua te ra e whakapaaha atu ai te Karauna ki nga uri o Parihaka, ara, hei te tuaiwa o Pipiri. Nei raa a Ruakere Hond, mangai mo Parihaka.
Ko te iwi maori kei te anga whakamua
He maha nga hua kua makere mai i te pukoro o te Kawanatanga ki nga kaupapa Maori i te tahua putea o tenei tau. Koira taa te Minita Whakawhanake Maori, taa Te Ururoa Flavell.
Taura Whiri me nga hotaka reo maori
E mihi ana te toihau o mua o Te Taura Whiri i te Reo, a Haami Piripi, ki te Kawanatanga, otira, ki te Minita Whakawhanake Maori ki Te Ururoa Flavell, moona i whai putea ma nga ratonga reo Maori, ara, ma te Taura Whiri me Te Maataawai i te tahua putea i tenei tau. Kia tahuri ake tatou.
Copyright © 2017, UMA Broadcasting Ltd: www.waateanews.com