April 08, 2024
Ngāti Kahungunu | Me kimi he huarahi e mutu ai ngā pakanga a ngā kēnge ki Te Matau-a-Māui
Mā te mahi tahi ki ngā hapori, ki ngā kēnge me ngā ratonga o Te Mātau-a-Māui e tau ai pea te pūehu a ngā kēnge ki taua rohe.
Koia te inoi a te heamana o Ngāti Kahungunu a Bayden Barber, whai muri i te pakō o te pū i tētahi kēmu whutupōro ā-rohe ki Heretaunga ki tētahi wēne inanahi.
Hei tāna, ko te oranga tonutanga o te rohe kei ngā ringa o te hapori e mutu ai ēnei mahi whakamataku.
“Kua waimārie tātau kāore he wharanga, kāore he matenga o te tangata nā te ahuatanga o ēnei whanonga. Nō reira kia kaha tātau te kimi te huarahi anga whakamua. Kāore e kore hei ngā rā e whai nei ka noho tahi mātau me ngā karapū ka noho mātau me te hapori ki te kimi te huarahi anga whakamua.”