Kua eke a Caren Fox ki te tihi o te Taraipiunara

Kua whiwhi Te Taraipiunara o Waitangi i tana heamana wahine tuatahi. Kua kopoua te kaiwhakawā matua o te Kōti Whenua Māori, a Caren Fox, nō Ngāti Porou, nō Rongowhakaata hoki, hei heamana o te Taraipiunara mō ngā tau e rima e tū mai nei.

Nā te Minita Tuarua mō te Whanake Māori, nā Nanaia Mahuta, te ekenga o Fox i whāki. Hei tāna, kua rua tekau tau a Fox e whakawā ana i ngā kēhi hītori, kēhi kaupapa hoki, ā, nā konā, he hōhonu tana mōhio ki te Tiriti o Waitangi.

Ka mahitahi a Fox ki ngā mema e rua tekau o te Taraipiunara o Waitangi, he Māori ētehi, he Pākehā ētehi. Ko Ahorangi Rawinia Higgins rātou ko Derek Fox ko Ahorangi Tuarua Tom Roa ētehi o ngā mema Māori. Ko Ron Crosby rātou ko Tākuta Paul Hamer ko Ahorangi David Williams ētehi o nga mema tauiwi.

RELATED NEWS

Netball – Bay of Plenty lose to Wellington Kei ā Aaron ēra pukenga hei whakahaere ngā whainga ō te tari raka Kei te rapu a Te Whakatōhea i ngā kaiwhakahaere hou