August 22, 2023
Kei te rapu a Te Whakatōhea i ngā kaiwhakahaere hou
Kei te rapu a Te Whakatōhea i ngā kanohi mō te poari e whakahaere ai ngā rawa mai i tana whakataunga kerēme ki te karauna.
E ai ki a te māngai o te iwi, ki a Te Kahautu Maxwell, nā runga anō i te kaupapa here o te iwi me heke iho ngā tāngata tokowaru kua kawea te kaupapa tae noa ki tēnei wā.
“Ka pōti te iwi mō ngā mema tekau mā whā ki runga ki te poari whakahaere hou a Te Whakatōhea, hei whakahaere i te pūtea o te whakataunga me ngā whenua e whakahokia mai, me te moana e whakahokia mai. Ko te ingoa o tō mātou whare ko Te Tāwharau o Te Whakatōhea. Mā tērā poari me te wānanga ki te iwi e whakatakoto i te rautaki hei tiaki i te iwi, hei anga whakamua i te iwi.”
Ā te Māne e tū mai nei, arā, te 28 o Akuhata, tuwhera ai te wā tuku pōtae ki te rīngi.