Ko te whare ā-whānau he rongoā mō te tūroro

Atakohu Middleton Naida Glavish

Download Audio

Ko te noho tata o te whānau he rongoā whakahirahira mō ngā tūroro kei rō hōhipera. Koia nei te kī a te kaitohutohu tikanga o Te Whatu Ora i Tāmaki, a Kahurangi Naida Glavish, whai muri i te rongo kei te waihangatia kia rima ngā rūma noho ā-whānau ki te Hōhipera o Te Raki Pae Whenua.

E ai ki a Kahurangi Naida, he kaupapa tēnei e tata ana ki tōna ngākau nā te mea e toru tekau tau ki muri, i te wā i hōhiperatia ai tana māmā, i mate a Kahurangi Naida ki te moe i tōna waka. Nō taua wā tonu kua kōkiritia e ia te tū o ēnei taiwhanga hou.

Hei tāna, “Mēnā e māuiuingia ana a wai rānei ki roto i te hōhipera, ka kite i tō rātou hoa rangatira, ka kite i ā rātou tamariki ka kite i ngā kanohi ora o ngā mokopuna ki hea tonu atu te puta ki waho, te hoki ki te kāinga kia horo wawe te mirimiri i te māuiui.”

RELATED NEWS

He takenga reo, he takenga tangata Me aro ki te hā ō tō iwi E rongo ana ngā kaiahuwhenua i te mamae ō te maroke