April 03, 2024
Ōrākau 160 | “I hingahinga ai ō mātau tūpuna mō te mana motuhake te take.”
Nō te ata pongipongi nei [Tūrei, 2 o Āpereira] rewa ai te kara a Kīngi Tūheitia e tohu ana i te tīmatanga ki te maumahara ki te pakanga o Ōrākau, i Waikato, e kotahi rau e ono tekau tau ki muri.
Ko tōna 500 tāngata i tae atu ki waho o Te Awamutu, ka mutu, ko Ngāti Raukawa tēnā, ko Waikato tēnā, ko Ngāti Maniapoto hoki tēnā.
E ai ki te tohunga a Paraone Gloyne nāna tētahi wāhanga o ngā karakia i hiki, i te wāhi i ora ai ētahi, i mate hoki ai ētehi.
E ai ki a Gloyne, “Me kī Ōrākau-paewai koinei te ingoa tūturu o te kāinga nei. Nō roto i ngā tau ā ka whakapotongia te ingoa ki a Ōrākau ā koinei te ingoa e rongonui nei. I hingahinga ai ō mātau tūpuna mō te mana motuhake te take. Anei e tohe tonutia nei i tēnei rā tonu. Anei mātau ngā uri ngā mokopuna ā rātau e whakamaumahara nei i ā ratau i tēnei rā tatū ki ngā o te motu ka whakaeke mai.”