Listen Now: 
Ko tetahi o nga tono a te Runanga o Ngati Kahu kei mua i te aroaro o Te Roopu Whakamana i Te Tiriti o Waitangi, he hoki atu ano ki te teepu whiriwhiri mo nga kereeme e hangai atu ana ki nga whakataunga TOW a te Iwi, a, ko tetahi hoki he kereme ano i runga i etahi o nga pihi whenua e mau nei ana i nga iwi o Te Rarawa, Te Aupouri me Ngai Takoto ano i roto i o ratou whakaae me te Karauna
Hei ta Haami Piripi, heamana o te Runanga o Te Rarawa, kua whai waahi hoki atu a ia, i raro i te mana o tona iwi o Te Rarawa, te whakahoki i te taki, kia whai waahi atu a Te Rarawa ki roto i nga kereme a Ngati Kahu
Hei taa Raymond Subritsky, heamana o Te Aupouri, hakoa kua whakatau te iwi o Te Aupouri, i tona ake Tia, e noho tarewa tonu ana te Pire Whakataunga me te Karauna, a, e horomia ana nga kongakonga putea a te iwi, i roto i enei taukumekume.
E matapae ana ka tu te Runanga o Ngati Kahu ki mua i te aroaro o te Roopu Whakamana mo te kereme taki i nga kai o roto i nga Tia Whakataunga Tiriti a Te Aupouri, Te Rarawa, me Ngai Takoto ki Kareponia Marae a te marama e heke mai ana
RELATED NEWS
