August 16, 2023
He whetū o te ao pukapuka
Nō tērā wiki i whakawhiwhia e ngā kaituhi tamariki, rangatahi toa o Aotearoa ā rātou taonga i te marae o Pipitea i Te Whanganui-a-Tara. Nō Brianne Te Pā o Te Tai Tokerau te māringanui i tohua e ia ki te tohu nā te whānau Wright e kī ana ko Te Kura Pounamu mō te reo Māori.
E ai ki kaiwhakairo, kaiwhakaniko i te kupu e ai ki a Brianne Te Pā he nui ngā akoranga kei te pukapuka nei a Kua whetūrangitia a Koro e whakatangi nei i te ngākau o te tangata, o te kaipānui anō hoki, engari i puāwai tēnei whakaaro ōna i whea?
Hei tāna, “He moemoeā te tuhi pukapuka mai i taku tamarikitanga. Heoi anō, nā te whakarongo ki nga kōrero a Ahorangi Rangi Matamua i puāwai ai te whakaaro mō tēnei pukapuka. Nā reira, nānā te whakaaro i a au e whakarongo ki ana kōrero mō Matariki i puta ai te whakaaro mō tēnei pukapuka, mō te tama.”