August 24, 2023
Taraka turaki tohu ki Taranaki – he kaikiri
Kei te ora pai te kaikiritanga ki Taranaki.
Koia te kōrero a tētahi o ngā kainoho ki te takiwā a Urs Signer, whai muri i te takahi haere a tētahi nanakia i ngā pānui a te pāti Māori i whakatūngia ki tōna whenua ake, ki mua i tōna whare.
Hei tā Signer, inā te pātata ki tō rātou whare, i tata raru hoki tētahi o ā rātou mōkai.
“Nō reira i taraiwa tētahi tangata ki runga i tō tātou nei whenua, ā i taraiwa taraka. Kāore e kore he taraka nōtemea i taraiwa tōtika ki runga i te taiapa. Kua pakaru rawa te taiapa ināeanei, kua tukituki te taiapa, kua tukituki hoki te tohu o Debbie(Ngarewa-Packer). Kei roto i taua wahi he hipi hoki, te kararehe o te whānau. Kei te ora tonu te hipi, engari kei te pakaru rawa te taiapa, kei te pakaru hoki te tohu a Whaea Debbie.”