March 11, 2024
Elijah Pue | Kua whai angitū a te rōpū kapa haka Te Kura Nui o Paerangi nā ngā mahi a ngā tūpuna
Me whakamiha tātou katoa i ngā mahi o ngā mātua tūpuna ka tika.
Koia ngā kōrero a te kaiwhakahaere matua o te rōpū kapa haka a Te Kura Nui o Paerangi a Elijah Pue me te aha, i tae tuatoru mai rātou i tō rātou tū tuatahi ki ngā whakataetae ā rohe o Te Kāhui Maunga.
Ko tā Pue, ahakoa te koa o te ngākau te whai tūranga a tōna kapa ki Te Matatini, mātua rā ko ngā tapuwae i waihō rā ngā tūpuna mō tātou ngā waihotanga.
‘I te maringa noa ngā roimata i te harikoa o taku ngākau, ehara i te mea i eke mātou ki te tuatoru, ēngari he waimarie tātou nē? He waimarie tātou o Te Kura Nui otinoa tātou tēnei reanga i te mea kei te kite tātou i ngā hua o nehe, o ngā mātua tīpuna. Kei te kite atu tātou i te ātaahuatanga o te whakaatu atu o ngā mahi a te Māori ki ngā papatūngawaewae.’