January 19, 2024
Rēnata Blair | Me kerēme, me kerēme ki a ACC kaua e upoko mārō
Hei aha te takaroa, hei aha te whakamā, hei aha hoki te upoko mārō ki ngā take o te hauora, engari kē, whakamahia te ratonga Āwhina Hunga Whara, e piki ake ai te oranga tangata.
Koia ngā kōrero a te tumuaki Māori o Te Kaporeihana Āwhina Hunga Whara o Te Motu, a Rēnata Blair, hei tāna kua tae ki te wā kia mōata rawa te Māori ki te whakatika i ōna whara, i tōna hauora anō hoki.
Hei tā Rēnata, kāore he hua kia noho mārō ai te tangata, ehara i te mea mā te pōhēhē koe e ora ai, “te whare a te tākuta ki te whakakite i ā rātou nā tinana me te kerēme ki a ACC, me kerēme e te iwi me kerēme me kerēme kaua e tatari i tō kāinga kaua e mārō. Kaua koutou e noho mārō me haere ki ērā o ngā huarahi ki ērā o ngā mātanga hauora ki te whakatika i tō tinana.”