May 24, 2023
Me mutu te takaroa: Climate Justice Taranaki
E ākina ana e Climate Justice Taranaki, me mutu ngā mahi takaroa a te kāwanatanga ki te whakatikatika i te āhuarangi, arā, i te whakamahana haeretanga o te ao, kei hinga a Papatūānuku, kei korehāhā hoki tātou te tangata.
E ai ki a Haimana Hirini, ko ia te māngai mō Climate Justice Taranaki, ā te Paraire e tū mai ka porotū rātou ko tana ope ki te pokapū o Ngāmotu.
Hei tāna anō, he porotū rangimārie te haere ake nei, hei aha? Kia kotahi atu ki te whakaaro-nui, kia whakaaro-roa, kia ora tonu tō tātou ao.
“Ko tāku ki te kāwanatanga, kāore wā rātou kōrero, kāore rātou mahi e eke ana, kei te tamariki tonu ētahi o ngā kōrero, o ngā whakaaro, nā whai anō, kāore ngā mahi e eke ana. Kua tae mai te wā, me mātaara te iwi i te mea kua kitea kētia i roto i ngā marama, kau taha ake nei, ko te utu ko te mate.”