January 18, 2024
Wāhine Toa Reo Māori ki te ao whakaata
Kua whakaingoahia ngā kaitono ki te tohu Toa Reo Māori mō ngā wāhine kei roto i te ao kiriata me te ao whakaata, ā, ko Ngāti Raukawa, ko Te Atiawa, ko Ngāti Paoa, ko Ngāti Maniapoto, ko Ngai Tahu, ko Ngati Mutunga anō hoki, ka whakakanohitia.
Nō te ahiahi rā whakaingoa ai a Libby Hakaraia rātou ko Mihingārangi Forbes, ko Miriama Kamo, hei tautapa ki te tohu hirahira nei, mō ngā wahine Māori kei te ao kiriata me te ao whakaata e mahi ana.
Kua whakaingoahia hoki a Tioreore Ngātai Melbourne o Ngāti Porou me Ngāi Tūhoe hei tautapa ki te tohu kanohi hōu o te tau, ā, ko Paula Whetu Jones nō Te Aitanga a Mahaki anō hoki tērā kua tautapa ki te tohu Mahi Rangatira i te ao Kiriata.
Ka tū te pō tuku taonga a te 29 o Pēpuere ki Tāmaki Makaurau, ā, he mea whakarewa ia e tekau mā iwa tau ki muri, nā te hiahia kia whakanuia ka tika ngā wāhine o te ao waihanga pakitara ā-whakaata.