March 11, 2024
Peeni Henare | Anō nei kūare ngā mahi tini i ngā mātapono o Te Tiriti ki te Ture Whai Hauora o Aotearoa
E takahi ana te Minita Hauora a Shane Reti i ngā mātāpono o tō tātou kawenata ki te pire hōu o te hauora.
Koia te kōrero a te mema pāremata o te āpitihana a Peeni Henare nō muri mai i te aukatingia a te kāwanatanga i te umanga hauora tūmatanui a Te Aka Whaiora.
Hei tāna, i te titonga o te Te Aka Whai Ora i aro pūmau te pāti Reipa kia whakauru ngā mātapono o Te Tiriti o Waitangi ki āna wahanga ture.
Hei tāna anō, ‘ko te hiahia kia kite atu i ngā tūmanako a Te Tiriti o Waitangi ki roto i ngā āhutanga katoa o te ao hauora. Koinā te take i whakariteahia e mātou te wahanga tuaono. Nā, i kite atu ahau i ngā mahi a Dr Reti i ngā wiki kua pahure ake nei, ehara i te mea e whakakorengia ana i taua wahanga, ēngari e tinihia ana i ētahi o ngā kupu ka tango ake te Minita hōu i ngā niho o taua wahanga.’