March 11, 2024
Te Kohe Tukaha | Nā te mahi tahi i ora ai te kiriata a ‘The Convert’
Ki te kotahi te kākaho ka whati, ki te kāpuia e kore e whati.
Koia te kī a te uri o Tūhoe me Ngāti Porou mō tana kiriata The Convert e hāngai ana ki te āhua o Aotearoa nō mua i te hainatanga o te Tiriti o Waitangi.
Te kaupapa tuatahi kua mahia e ia hei kaiwhakaputa, hei tā Tuhaka, nā ana hoa pūkenga mano i ngā mahi i te ao kiriata i akiaki ai ia kia puta te kaupapa ki te ao mārama.
Ko tāna anō, ‘ko tēnei taku tū tuatahi hei kaihautu, ko tēnei taku kaupapa tuatahi, nō reira he nui ngā āmaimai i te tīmatatanga, hēoi i kaha e manaaki nei i au e te hunga kua roa nei rātou anō nei kua tangata whenua ki roto i ēnei mahi, tērā ko Robin, ētehi o aku hoa kei roto i tēnei ao e mahi ana. Nā reira ehara i te mea ka waiho ko au anake ki te peka o te rākau kei reira e whara ai.’