March 23, 2023
He taonga te papa patopato reorua
Ko te papa patopato Māori hou he taonga hei whakanui i te hononga o tēnā o tēnā ki tō tātou whenua o Aotearoa.
Koinā te kī a te kaiwhakahaere o te pakihi hangarau a Toro, a Barry Soutar, whai muri i te putanga o te papa hou, he mea hanga nā te pakihi Lenovo, ki Ngā Whare Waatea Marae i Tāmaki Makaurau i tenei wiki, ā, nāna hoki i whai wāhi atu ki tōna whakawhanaketanga.
Hei tā Soutar, kei te nui haere te whakamahinga o te reo ki ngā tari kāwanatanga, ngā kaunihera, ngā kura, me ngā pakihi hoki, ā, ko te tautoko a te motu i tēnei hangarau he ara hei whakaatu i tō tātou Aotearoatanga, Māori mai, Pākehā mai anō hoki.
Hei tā Soutar anō, “Mehemea ka hoko ō taputapu ki rāwāhi, ko te mea hei whakamana ia i tō kamupene ko te ao Māori. Ko te pai o te ao Māori hei whakamana i tō Aotearoatanga. Ā tōna wā ka puta ēnei momo rorohiko ki ngā wāhi katoa.”
Whakarongo ki te uiui katoa ki konei.