Kua whakapāha atu a Maniapoto ki a Ngāti Tama

Waatea Team Glenn Toothill

Download Audio

Nā te tuku o ngā whakapāha a Te Nehenehenui o Ngāti Maniapoto ki ana kiritata a Ngāti Tama, e taea ai e nga iwi e rua tō ratou mana whenuatanga te aro whakamua.

Koia te kōrero a te māngai o Te Nehenehenui, a Glenn Toothill, whai muri i te tū o tētehi hui i waenga i ngā iwi i te mutunga wiki kua taha ake nei. Hei tā Toothill, i hē ai a Ngāti Tama i tā Manaiapoto tono i tētehi whakaāetanga mahi tahi ki te Kaunihera ā-Rohe o Ngāmotu.

Hei tā Toothill anō, “I rongo mātou o Te Nehenehenui i te āwangawanga o Ngāti Tama, nō reira, kua tukuna e te tiamana o Te Nehenehenui tana whakapāha ki te aroaro o Ngāti Tama i te Rātapu kua pahure, i tō rātou marae o Pukearuhe. Nō reira, e whakaāe ana mātou o Te Nehenehenui kia waiho te tono ki te kaunihera, ā, ka haere tonu ngā kōrero kei waenganui i a mātou o Ngāti Maniapoto me Ngāti Tama. “

RELATED NEWS

Ka tangi te pūtātara Ko te kaupapa Iron Māori i tū ki Ahuriri i ngā rā whakatā Mā te ratonga toto ō Aotearoa ka whai oranga te tangata