February 21, 2024
Blake Ihimaera | Kei te whakarite a Te Taitokerau ki Te Matatini ā te tau 2031
Ahakoa he 7 tau kei mua i Te Tai Tokerau ki te whakarite mō te tū a Te Matatini ki taua rohe, kei te whakarite ināia tonu nei te kōmiti whakahaere i ōna mahere e puawai ai te kaupapa.
Koia te kōrero a te heamana hōu o Te Kōmiti Ahurea o Waitangi a Blake Ihimaera whai muri i tōna whakaman ōkawa ki te kōmoti i te Mane.
Hei tā Ihimaera ko te whanake kapa haka hei wai kawe kōrero mō Te Tokerau te hiahia.
E ai ki a Ihimaera, “ko te whāinganui me kī e titiro e ahu atu ana ki te tau 2031 ka tau mai Te Matatini ki roto i a mātou i roto i Te Tai Tokerau nō reira koinā te whāinganui me te whakawhanake i te kapa haka me te whakamahi i te kapa haka hei waka kawe i ngā whakaaro i ngā hiahia o te rohe ā haere ake nei. Nō reira āe koia pea te nui me te iti o ngā mahi kei mua i te aroaro.”