February 21, 2024
Clara Aperehama | Kua tohua te Puna Reo o Manga Tangaroa ki ngā whiringa whāiti mō te Tohu Pou Whakarae Hapori o te tau.
Nā te māia, nā te aroha mutunga kore ki te tiaki i tana tama whaikaha i tohua ai te Puna Reo o Manga Tangaroa i te Taitokerau ki ngā whiringa whāiti mō te Tohu Pou Whakarae Hapori o te tau.
E ai ki te kaiwhakahaere i te Puna Reo, e ai ki a Clara Aperehama Kopa, ka tika me mihi ia ki ngā kaitautoko maha ki a ia me tōna tama. Hei tāna ko te pūtake o ngā mea katoa ko te aroha mauroa ki tana tama, ā, he tohu tēnei ki a ia.
E ai ki a Aperehama Kopa, “neke atu i te $100,000 te nui o te kohi pūtea i aua taima engari ko te aroha te mea mau tonu ko te ingoa o tō mātou nei whare ko Te Here o te Aroha, e kōrero ana mō taua kōrero tupuna o Te Tai Tokerau e mea ana ‘ko te here o te aikiha e taea te wewete engari ko te here o te aroha ka mau tonu’ nō reira tēnei mātou o Te Here o te Aroha e mihi ana ki ngā kaitono.”