Listen Now: 
Download AudioMā Te Kōwhiringa Pōti Taitamariki e kai mātauranga ai ngā kaipōti o āpōpō.
Koia te kōrero a te Pou Ahurea Māori a te Kaitiaki Take Kōwhiri a Hone Matthews, mō te kaupapa mahi ā-kura nei. Hei tāna, e ono rau kura neke atu kua rēhitatia kia whai i te kaupapa, arā, e iwa tekau mā rima mano neke atu ngā tauira tērā. Hei tāna anō, he kaupapa ngāwari, kaupapa tākarokaro tēnei hei akiaki i ā tātou tamariki mokopuna ki te uru mai ki ēnei mahi ā tōna wā.
“He akoranga whakamātau taitamariki he aha ngā pōtitanga, te whakatū i tō rātou ake akomanga pōti, pēhea te tuku pōti, hiki nei te whakaaro nē, ngā painga, nga mahi, ngā haepapa, ngā takohanga, ngā hua ka puta mai i te pōtitanga, koia te ngako o tēnei kaupapa.”
Kei te tuwhera tonu te rēhita. Tirohia te whārangi ipurangi elections.nz mō ngā whakamārama.
