November 09, 2022
Henare: Kia tūpato tonu ki te kowheori
Posted On November 9, 2022
0
E te iwi, kia kaua e pōhēhē kei te noho haumaru tātou i te mate korona. Koia nei te kī a Peeni Henare, Minita Whānau Ora, whai muri i te putanga o ngā tatauranga kowheori i te Māne e kīia nei e 20,802 ngā kēhi hou i rīpoatahia i te wiki kua pahure.
Hei tā Henare, ki tana nei kitenga, kāore ētehi tāngata e whakarongo ana ki ngā tohutohu a ngā ratonga hauora kia horoia nga ringaringa, kia mauria ngā maruhā i ngā wāhi e ngāwekiweki ana i te tāngata, ā, āpiti atu, kua rongo ia kei te haere māuiui atu ētehi tāngata ki ō rātou wāhi mahi.