Kei te toro atu te ringa ora a Te Whakatōhea

Waatea Team Te Kahautu Maxwell

Download Audio

Kei te toro atu te ringa ora a Te Whakatōhea ki ōna uri i whakahē i tā te iwi whakataunga kerēme ki te karauna i te marama o Mei.

I tērā tau, e 67 ōrau o ngā uri o Te Whakatōhea i pōti kia whakaāe i te tuku a te karauna kia tau ai ngā nawe o te iwi, ahakoa te kaha whakahē o ētehi hapū. E ai ki a Te Kahautu Maxwell, mā te whakataunga kerēme nei e whai hua ai ngā uri katoa, ahakoa ō rātou whakaaro ki te whakataunga.

“Nā te wā tēnei i tohu, nā te wāhi ngaro tēnei i tohu. Koia nei te rōpū, koia nei ngā uri o Te Whakatōhea ka whakatauhia te kerēme, kua whakatauhia … ko te tangata i whakahē, ko te whakataunga mō ngā uri katoa o te iwi, karekau ētahi e waiho atu ki waho. Nō reira, ahakoa whakaāe, ahakoa whakahē, kei te tuwhera tonu ngā tatau o te iwi o Te Whakatōhea ki ōna uri.”

RELATED NEWS

Pooti a Ngāi Te Rangi ki a Nahinara Mihi a Sonny Tau ki a Andrew Little Matahuru Marae Celebration