February 19, 2024
Te Raunatanga Whakaara | He waka hūmārie i hoe ki Tiripoua 2024
He whakamaumahara i te hunga nā rātou te ara i para hei hīkoi mā tātou ngā uri.
Koia ko ngā kōrero a tō mātou Kairipoata ki Taranaki a Te Raunatanga Whakaara mō te kaupapa a Tiripoua i tū ki Ōpunakē i te Rāhoroi.
E whitu ngā tau ku tū a Tiripoua e maharatia te rā i waitohu te kēreme o Taranaki Tūturu Iwi, nā hei tā Whakaara, ki te hīkoi ngā uri o Taranaki Tūturu me te ngākau mahaki, mā reira e ora pai ai ngā wawata a ngā tūpuna.
Hei tāna anō, ‘ko te hūmārie, e whai whakaaro ana ki rātou ku mahi i ngā mahi hei pāinga mō mātou, mō tātou i ēnei o ngā wā. Etia nei ka noho hūmārie ka rere noa pai te wairua, me te hūmārie o te wairua i rongo ki raro i tō mātou maunga tītohea ki ngā rekereke o tō mātou maunga. Koia ko ngā mahi a ngā tūpuna- ka āhei mātou te hīkoi whakamua me te whakaaro mō te anamata hei painga mō tō mātou iwi.’